Gjykata e Posaçme ka shtyrë seancën për kryedemokratin Sali Berisha për dosjen “Partizani”.
Mësohet se seanca e radhës do të mbahet më 4 prill.
Në seancën e sotme gjykata u njoh me pretendimet e mbrojtjes të dy shoqërive tregtare, të cilat janë të pandehura si person juridik në proces.
Kujtojmë se Berisha akuzohet për korrupsion pasiv pasi sipas SPAK ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv Partizani, ku përfitues ishte edhe dhëndri i tij, Jamarbër Malltezi.
I pandehur për të njëjtën vepër penale është marrë edhe dhëndri i Berishës, Jamarbër Malltezi.
