Kryeministri i Spanjës Pedro Sanchez tha këtë të shtunë se ai do të kërkojë nga parlamenti një zgjatje të tretë 15-ditore të bllokimit të vendosur për të frenuar shpërthimin e koronavirusit të ri, duke shtyrë kështu kufizimet deri në 9 maj.
Sanchez tha se ai dëshironte të lehtësonte kufizimet për fëmijët, të cilët do të lejoheshin jashtë shtëpive të tyre pas 27 Prillit, megjithëse ky lejim do të jetë “i kufizuar dhe do t’i nënshtrohet kushteve për të shmangur infektimin”. Ai nuk dha më detaje të mëtejshme për këtë.
Spanja ka filluar të lehtësojë masat e rrepta të vendosura në 14 mars dhe këtë javë hapi disa sektorë të ekonomisë, përfshirë prodhimin. Por shumica e njerëzve ende janë të kufizuar në shtëpitë e tyre, përveç se për daljet thelbësore, përfshirë blerjen e ushqimit.
Autoritetet raportuan sot se numri i viktimave në Spanjë që prej fillimit të pandemisë kaloi pragun 20 mijë megjithëse kurba është në rënie. Ministria spanjolle e Shëndetësisë, bëri me dije se numri i të prekurve është 191.726 persona, ndërsa numri i të shëruarve ka shkuar në 74.662 persona në total. /Opinion.al
