Evakuimi i banorëve nga Alepo dhe dy fshatra shiite është ndërprerë sot deri në një urdhër të ri, bëri të ditur Observatori sirian i të drejtave të njeriut (OSDH). Sipas OKB-s, rreth 40 000 civilë dhe kryengritës ndodhen ende të bllokuar në pjesën rebele të Alepos.
“Operacioni u shty për shkak të mungesës së garancive lidhur me sigurinë e civilëve që do të evakuoheshin nga dy fshatrat Foua dhe Kafraya”, njoftoi drejtori i OSDH-së Rami Abdel Rahmane, duke shtuar se evakuimi ishte pezulluar pasi disa persona të armatosur kishin sulmuar disa autobusë të dërguar për evakuimet.
“Për momentin, evakuimet e civilëve janë ndërprerë”, i konfirmoi AFP-së Yasser al-Youssef, i grupit rebel ‘Nourredine al-Zinki’, i cili megjithatë theksoi se incidenti në fjalë “nuk do të ndikonte në rifillimin e operacionit në një datë të mëvonshme”.
Disa autobusë janë sulmuar. Në afrsi të fshatrave Fua dhe Kafraya, rreth 20 persona të armatosur kan sulmuar disa autobusë që po shkonin drejt ktyre lokaliteteve për evakuimet. Ata zbritën shoferët dhe qëlluan depozitat e karburantit të automjeteve duke shpërthuer të paktën pesë autobusë. Incidenti ndodhi pas hyrjes së pesë autobusëve të autokolonës në këto dy fshatra.
Një zyrtar i kryengritësve tregoi sot se një marrveshje e re është arritur, sipas të cilës evakuimi i Alepos dhe i dy fshatrave Foua dhe Kafraya pritet të bëhet në dy etapa.
“Gjatë etapës së parë, gjysma e personave të rrethuar në Alepo do të dalin, paralelisht me evakuimin e 1.250 personave nga Foua”, shpjegoi zyrtari, i cili preferoi të mbetej anonim.
Në etapën e dytë, 1.250 persona të tjerë do të dalin nga Kafraya paralelisht me evakuimin e personave të mbetur në Alepo”, vazhdoi zyrtari i kryengritësve.
Më tej, 1 500 persona të tjerë do të largohen nga Foua dhe Kafraya paralelisht me evakuimin e po aq personave nga dy qytetet rebele të rrethuara nga regjimi Zabadani dhe Madaya, në rrethin e Damaskut.
