Kjo javë në ‘Opinion’ ka nisur me një temë ekonomiko-sociale sa i përket shpenzimeve të jetesës, duke vijuar më pas me transmetimin e një dokumentari francez kushtuar Mbretëreshës Geraldina. Ditën e mërkurë është ritransmetuar një intervistë e Liri Belishovës e cila ka ndërruar jetë gjatë kësaj jave, për të arritur tek e enjtja e cila duhet thënë që gjithmonë i dedikohet ngjarjeve më të rëndësishme në vend, vizita e Ramës në Berlin dhe falimentimi i kompanisë Gulf.
Sa i përket audiencës, sipas të dhënave dita e hënë ka marrë vëmendjen më të madhe; temë që mesa duket prek drejtpërdrejtë xhepat e qytarëve, ndërsa ditën e mërkurë është shënuar shikueshmëria më e vogël ndër emisionet ‘Opinion’ të kësaj jave.
***
Të hënën (23 prill 2018) në emisionin ‘Opinion’ u fol për shpenzimet e jetesës në ditët e sotme. Emisioni i cili mbajti temën me agrumente ngritur nga pyetja themelore se:“Sa e shtrenjtë na është bërë jeta”, ka patur shikueshmërinë më të mirë të javës. Audienca maksimale ishte 37.7% dhe audienca mesatare 26.4%.
Të martën në mbrëmje në emisionin ‘Opinion’ u transmetuan një dokumentar kushtuar Mbretëreshës Geraldina dhe periudhës së Mbretit Zog në krye të Shqipërisë. Në pjesën e dytë dhe të tretë të emisionit autori i këtij dokumentari ka dhënë një intervistë ekskluzive për gazetarin Blendi Fevziu. Ish ministri francezë i Kulturës, Frédéric Mitterrand, i cili ka realizuar dokumentarin “Trëndafili i Tiranës”, për jetën e Mbretëreshës Geraldina dhe Mbretit Zog, ka rrëfyer disa detaje për takimin me Mbretëreshën dhe përshtypjet e tij për të. Maksimumi i audiencës ishte 29.3% dhe audienca mesatar 20.3%.
Mbrëmjen e të mërkurës në emisionin ‘Opinion’ u ritransmetua një interviste Liri Belishovës, e cila ndërroi jetë disa ditë më parë në moshën 91-vjeçare, pjesëmarrëse në Luftën për Çlirim, e ndëshkuar nga regjimi si një ndër kundërshtaret më të rrepta të Enver Hoxhës. Të mërkurën në ‘Opinion’ u ritransmetua një intervistë ekskluzive që ajo ka dhënë për gazetarin Blendi Fevziu në vitin 2004, intervista e saj e fundit dhënë për mediat. Audienca maksimale ishte 28.6% ne oren 22:57 dhe audienca mesatare 18.3%.
Mbrëmjen e të enjtes në emisionin ‘Opinion’ u trajtuan dy ngjarjet e fundit nga aktualiteti. Në pjesën e parë u fol për vizitën e kryeministrit Edi Rama në Berlin dhe ndikimin e kësaj vizite për çeljen e negociatave me BE. Në pjesën e dytë dhe të tretë të emisionit u fol për skandalin dhe mashtrimin e Kompanisë Gulf ndaj qytetarëve. Një abuzime me kursimet e qytetarëve të që arrin në 1.5 milion euro. Audienca maksimale ishte 31.8% ne orën 23:00 dhe audienca mesatare atë mbrëmje ishte 20.7%./Gerta Zaimaj-opinion.al
