Presidenti i Serbisë, Aleksandër Vuçiç ka shpallur gjendjen e jashtëzakonshme për shkak të rritjes së numrit të të infektuarve me koronavirus.
Këtë të hënë në Serbi janë konfirmuar 7 raste të reja duke e çuar në 55 numrin e përgjithshëm të personave të infektuar.
Sipas ministrisë së Shëndetësisë të Serbisë deri mëngjesin e sotëm janë testuar 18 persona, 7 prej të cilëve kanë dalë pozitiv për koronavirus.
Tre prej tyre gjenden në izolim shtëpiak, kurse katër të tjerë janë ndaluar për mjekim në spital, pa komplikime, thuhet në njoftimin e Ministrisë së Shëndetësisë.
Pasi shpalli gjendjen e jashtëzakonshme Vuçiç tha se ishte hapi i domosdoshëm për të mbajtur funksionimin normal të vendit gjatë epidemisë së koronavirusit në rajon./ Opinion.al
