Policia Rrugore e Elbasanit, ka shtuar masat me qëllim parandalimin e aksidenteve rrugore.
Gjatë javës që lamë pas, si rezultat i shtimit të kontrolleve me radar dhe dragera, është arrestuar 1 shtetas dhe janë proceduar penalisht 7 të tjerë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Gjithashtu, janë pezulluar 27 leje drejtimi, nga të cilat: 21 për drejtim mjeti nën efektin e alkoolit dhe 6 për shkelje të tjera të Kodit Rrugor.
Ndër të tjera policia bën me dije se janë vendosur 971 gjoba, gjatë javës që lamë pas, të ndara si vijon:
106 për mosvendosjen e rripit të sigurimit;
16 për mosvendosjen e kaskës mbrojtëse;
35 për përdorimin e aparatit celular;
438 për parakalime të gabuara;
73 për ndalim/pushim të mjetit në kundërshtim me sinjalizimin rrugor dhe rregullat e qarkullimit;
2 për tejkalim shpejtësie;
3 për mungesë të siguracionit të mjetit;
298 për shkelje të rregullave të tjera të Kodit Rrugor.
