Që prej muajit shkurt të këtij viti reperi amerikan R Kelly është akuzuar për 10 raste abuzimesh seksuale, ku 3 prej tyre ishin vajza nën moshën 17-vjeçare në kohën e sulmeve të tij.
Por këto ditë kanë dalë në dritë edhe 11 vepra të tjera penale shtesë ndaj reperit që lidhen me akuza për abuzim seksual me vajza të mitura. Këto akuza lidhen me sulme seksuale me forcë dhe viktimat mendohet se janë të mitura mes moshave 13 dhe 16 vjeç.
Një grua paraqiti një padi civile prej 50,000 dollarësh kundër Kelly-t në fillim të këtij viti. Ajo pretendon se e ka takuar Kelly-n në maj 1998, kur po ecte në rrugë në Çikago dhe asokohe ishte minorene.
Ajo ka pretenduar se Kelly ka ndaluar makinën për të biseduar me të. Sipas saj po të njëjtën ditë një nga bashkëpunëtorët e reperit u takua me vajzën dhe familjen e saj në një restorant duke i dhënë asaj numrin e tij.
Sipas këtij bashkëpunëtori R Kelly dëshironte që e mitura të vinte në studion e tij për të qenë pjesë e një klipi që ai po bënte në atë kohë./Opinion.al/
