Kryesore

Shtetrrethimi/Policia vijon aksionin me gjoba, bllokim mjetesh e patentash


Bëhu pjesë e Grupit Zyrtar të Opinion.al
>> KËTU <<
               Publikuar në : 13:00 - 04/04/20 |
el ida

Policia e Shtetit ka bërë me dije se një person në Tiranë është ndëshkuar me gjobë 700.000 lekë, pasi ka shkelur rregullat e vetëkarantinimit.

Gjatë 24 orëve të fundit, në të gjithë vendin janë evidentuar 33 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje patente dhe bllokim mjeti.

Po ashtu, janë ndëshkuar me gjobë 10.000 lekë, 223 shtetas, të cilët u kapën nga policia duke lëvizur në këmbë apo me biçikleta, pa ndonjë arsye apo emergjencë.

Gjithashtu, janë ndëshkuar me gjobë 20.000 lekë dhe bllokim mjeti për 3 muaj, dy persona, pasi nuk kanë zbatuar urdhrin për kufizimin e lëvizjeve në parqe dhe zona të gjelbra të hapura, në zonat urbane apo mjedise të tjera publike të hapura.

Në të gjithë vendin janë konstatuar po ashtu 9 pika tregtare që nuk kanë zbatuar orarin e mbylljes dhe ndaj administratorëve është vendosur gjobë./Opinion.al

Pas