Gjatë vitit 2020 Koreja e Jugut ka regjistruar më shumë vdekje sesa lindje. Kjo gjë ka alarmuar vendin që tashmë ka normën më të ulët të lindjeve në botë. Vetëm 275,800 foshnja kanë lindur vitin e kaluar, 10% më pak se 2019.
Shifrat po e shtynë ministrinë e brendshme dhe atë të shëndetësisë që të kërkojnë ndryshime thelbësore në politikat e lindshmërisë. Teksa kërkesa për sistemin e kujdesit shëndetësor dhe pensioneve rriten, një rënie e popullsisë së të rinjve gjithashtu po çon në mungesa të fuqisë punëtore që kanë një ndikim të drejtpërdrejtë në ekonomi.
Muajin e kaluar, Presidenti Moon Jae-in nisi të ndërmerrte disa politika që synojnë adresimin e nivelit të ulët të lindjeve, përfshirë stimujt e parave për familjet.
Sipas skemës, që nga viti 2022, çdo fëmijë i lindur do të marrë një bonus parash prej 1850 dollarësh për të ndihmuar në mbulimin e shpenzimeve para lindjes. Po ashtu me kalimin e kohës kjo pagesë do të rritet në 500 dollarë çdo muaj duke filluar nga 2025.
Sipas sociologëve kjo lindshmëri kaq e ulët po ndodh për shkak se në Korenë e Jugut, gratë luftojnë për të arritur një ekuilibër midis punës dhe kërkesave të tjera të jetës.
Rënia e niveleve të lindshmërisë mund të nënkuptojë që shumica e vendeve shohin që popullatat e tyre do të tkurren deri në fund të shekullit. Bota do të duhet të fillojë të llogarisë pasojat sepse me kalimin e kohës nëse qeveritë nuk marrin masa paraprake do të mbetet vetëm një popullsi e moshuar.
