Për të gjithë emigrantët shqiptarë që jetojnë në Itali e që dëshërojnë të rikthehen përgjithmonë në Shqipëri, shteti italian financon procesin e rikthimit si dhe riintegrimin e tyre social-ekonomik në vendin e origjinës në bazë të aftësive e motivimit personal.
Ministria e Brendshme Italiane në bashkëpunimin me Fondin Evropian të Azilit, Migrimit dhe Integrimit ka financuar projektin “Back to the future” apo “Kthimi vullnetar i asistuar”, duke i ofruar asistencë juridike dhe ekonomike të gjithë emigrantëve jokomunitarë në Itali, mes të cilëve dhe emigrantët shqiptarë, që dëshërojnë të rikthehen përgjithmonë në vendin e tyre të origjinës.
Organizata joqeveritare italiane Gus “Gruppo Umana Solidarietà” me një histori 25 vjecare në këtë sektor është pjesë e këtij projekti e ofron eksperiencën e saj për të asistuar të gjithë shtetasit shqiptarë që dëshërojnë të rikthehen në atdhe e të rinisën një jetë të re.
“Kthimi vullnetar i assituar” u ofrohet të gjithë emigrantëve shqiptarë me leje të rregullt qëndrimi në Itali apo dhe pa dokumenta që dëshërojnë të riatdhesohen përgjithmonë në Shqipëri. Përjashtohen nga ky projekt të gjithë emigrantët që kanë marrrë një masë dëbimi nga territori italian apo që nuk kanë shlyer masën e dënimit penal.
Organizata GUS asiston emigrantët shqiptarë e jo vetëm me një konsulencë e plan individual që nis me mbulimin e pagesës së biletës së kthimit e përgatitjes së dokumentave administrative, si dhe me një program individual 6 mujor në vendin e origjinës me synim integrimin e plotë të individit në jetën social-ekomomike të vendit.
Emigranti që pranon të jetë pjesë e projektit “Kthimi vullnetar i assituar” i mbulohen shpenzimet e fjetjes dhe ngrënies që nga momenti i regjistrimit të tij deri në nisjen drejt Shqipërisë. Gjithashtu emigranti përfiton një kontribut para nisje prej 400 euro. Nëse emigranti është familjar, këtë kontribut e përfiton cdo anëtar i familjes së tij.
Në momentin e mbërritjes në Shqipëri Gus financon me 2 mijë euro jetësën e emigrantit në vendin e tij të origjinës apo realizmin e dëshirës për të nisur një aktivitet privat, apo për t’u formuar profesionalisht.
Me anë të një partneriteti lokal Organizata Gus ndihmon për gjashtë muaj nga data e kthimit në atdhe, integrimi e të nisjes së një jetë të re të emigrantit që ka pranuar të jetë pjesë e projektit “Kthimi vullnetar i asistuar”.
Rritja e numrit të azikërkuesve shqiptarë në Europë mbetet një nga çështjet më kritike në rrugëecjen e Shqipërisë drejt BE. Në vitin 2016 rreth 28 mijë shqiptarë kërkuan azil në vendet e Bashkimit Europian e vetëm gjatë muajve prill-qershor 2017, janë rreth 6 mijë shqiptarë që paraqitën kërkesën si azilant në një nga vendet e BE, duke shënuar një rritje me +9%.
Projekti italian “Kthimi vullnetar i asistuar” synon një proces të kundërt, është një risi ekonomike e inovative për të gjithë emigrantët në Itali që janë në mëdyshjen për të qëndruar apo për t’u rikthuar në atdhe./OraNews
