Departamenti Amerikan i Bujqësisë njoftoi pezullimin e menjëhershëm të importit të mishit nga vendi i Amerikës Jugore. Nga inspektimet ka rezultuar se mishi nuk është kushte të mira higjienike dhe ka probleme dhe të shëndetit të kafshëve.
CNN raporton se SHBA nuk do të importojë më mish derisa Brazili të marrë masa dhe të korrigjohet.
Brazili është furnizuesi i pestë më i madh i mishit të viçit në SHBA, duke u renditur pas Kanadasë, Australisë, Zelandës së Re dhe Meksikës.
Agjencia tha se ka inspektuar të gjitha importet e ardhura nga Brazili që nga marsi dhe ka refuzuar hyrjen e 11% të produkteve të freskëta ( i pa ngrirë) të mishit të viçit. Ai tha se shifra është “shumë më e lartë” se norma e refuzimit nga pjesa tjetër e botës, e cila është rreth 1%.
Prej muajsh ka një shqetësim të madh për mishin e viçit të importuar nga Brazili jo vetëm në SHBA por dhe në Europë, përfshirë dhe vendin tonë. Disa prodhues të mishit dyshohet se paguanin ryshfete ndaj inspektorëve për të marrë vertetime për mishin që në fakt ishte ose i kalbur ose i infektuar me salmonelë.
Nuk dihet se çfarë hapash do të ndjekin vendet e tjera, përshirë Shqipërinë pas këtij alarmi të madh që vjen nga SHBA. Kujtojmë se një pjesë e mirë e mishit të viçit dhe pulës vendi ynë e importon nga Brazili. /Opinion.al
