Deputetja e PD, Rudina Hajdari ka reaguar me tone të ashpra kundër rritjes së çmimit të ujit të pijshëm.
Vajza e Azem Hajdarit përmes një statusi në Facebook e ka cilësuar këtë si një politikë që i bie në qafë shtresës më të ndershme të shoqërisë, asaj që e paguan ujin.
“Shqipëria ka burime të mjaftueshme ujore për të mbuluar nevojat personale të çdokujt. Megjithatë, furnizimi me ujë në pothuajse të gjitha zonat urbane është ndërprerje për shkak të gjendjes së tmerrshme të infrastrukturës ujore të Shqipërisë.
Për këtë nuk duhet të ndëshkohet shtresa e mesme dhe e varfër duke dyfishuar çmimin e ujit të pijshëm. Furnizimi me uje të pijshëm për nevoja personale është një e drejtë nderkombëtare e adaptuar nga OKB-ja në 2010.
Shteti nuk ka të drejtë tja ndërpres një familje ujin për shkak mos pagese. Kjo është një tjetër politikë e mizerjeve që duan ti bien në qafë shtresës më të ndershëm të shoqerisë”, shkruan Hajdari, teksa shton se këtë problem do ta ngrejë edhe në Kuvend.
