VLORË- Tre banesa në fshatin Penkova të Vlorës ishin kthyer në laboratore droge, ku grumbullohej e paketohej kabanis sativa. Plot 207 kg kanabis është sekuestruar sot nga policia në operacionin e quajtur “Penkova”. Siç bën të ditur policia e Vlorës në një komunikatë për mediat “8 persona janë arrestuar dhe 3 të tjerë janë identifikuar dhe shpallur në kërkim”. Ata akuzohen për posedim të lëndëve narkotike. Sakaq këtyre personave u janë gjetur dhe sekuestruar edhe dy armë zjarri “Automatikë”, 17 fishekë model 56’ dhe nje makine që perdorej per transportin e drogës.
Në banesën e shtetasit Misto Jonuzi, janë gjetur dhe sekuestruar 6 thasë me 38 kg lëndë narkotike. Në banesën e shtetasit Aredin Jonuzi, janë gjetur dhe sekuestruar 46 kg lëndë narkotike. Në banesën e Nasip Jonuzaj, janë gjetur dhe sekuestruar 123 kg lëndë narkotike, 2 automatikë, 2 krëhëra, si dhe 17 fishekë model 56’. Po kështu janë shoqëruar për t’u pyetur 4 punëtore hashashi që u gjetën në shtëpinë e Jonuzajt, të cilat përkujdeseshin për pastrimin dhe tharjen e bimëve narkotike.
Të arrestuar:
1. Mujo Gjinaj, 44 vjeç, banues në lagjen ”28 Nëntori” Vlorë.
2. Misto Jonuzi, 34 vjeç, banues në fshatin Penkovë.
3. Neritan Jonuzi, 25 vjeç, banues në fshatin Penkovë.
4. Denald Nushi, 21 vjeç, banues në fshatin Penkovë.
5. Majlinda Filaj, 42 vjeç, banues në fshatin Picar.
6. Valentina Izetaj, 51 vjeç, banues në fshatin Picar.
7. Engjellushe Alushaj, 33 vjeç, banues në fshatin Picar.
8. Sefire Filaj, 54 vjeç, banues në fshatin Picar.
Të shpallur në kërkim:
1. Edmond Haxhiraj, 44 vjeç, banues në fshatin Penkovë.
2. Nasip Jonuzaj, 65 vjeç, banues në fshatin Penkovë.
3. Aredin Jonuzaj, 56 vjeç, banues në fshatin Penkovë.
