Shtëpia e Bardhë ditën e djeshme lançoi një uebsajt të ri që mbështet teorinë se koronavirusi që shkakton Covid-19 ishte një patogjen i krijuar nga njeriu që doli nga një laborator sëmundjesh infektive në Wuhan, Kinë.
Faqja zyrtare që më parë ishte fokusuar në promovimin e vaksinave tashmë ka ndryshuar pamje duke shfaqur një foto të Presidentit Donald Trump me mbishkrimin e “origjinës së vërtetë” të pandemisë.
Faqja ringjall një debat të gjatë rreth origjinës së pandemisë Covid-19 që ka parë hetime nga agjencitë federale, organizatat globale të shëndetit dhe komitetet e kongresit.
Organizata Botërore e Shëndetësisë ka thënë se mbetet e hapur për të gjitha hipotezat, duke përfshirë përhapjen e virusit nga kafshët te njerëzit në një treg në Wuhan.
Vendet anëtare të OBSH-së bien dakord për një projekt “traktat pandemik” në përpjekje për të shmangur gabimet e COVID-19.
Shtëpia e Bardhë nënvizon se nëse coronavirusi do të kishte origjinë nga kafshët apo shpendët ajo do të ishte shfaqur sërish, por në fakt po zhduket.
Dalja e virusit nga laboratori, dikur u quajt teori konspirative nga zyrtarët në SHBA, por tani ka fituar shumë popullaritet
Edhe agjencitë amerikane si FBI dhe Departamenti i Energjisë kanë dalë në mbështetje të tezës.
Në fillim të këtij viti, CIA gjithashtu ndryshoi qëndrimin e saj zyrtar për origjinën e virusit, duke thënë se kishte “më shumë gjasa” të kishte dalë nga një laborator kinez sesa të ishte transmetuar nga kafshët.
