Kryeministri Edi Rama e ka nisur mëngjesin e sotëm me publikimin e pamjeve nga ajri të kryeqendrës arbërore të Krujës.
Ashtu siç bëri me dije gjatë Samitit të Diasporës në Tiranë, Rama tregon dhe një herë se në Krujë do të hapet “Shtëpia e Arbëreshëve”, një muze me asete të çmuara kulturore.
Në një postim në rrjetin e tij social “Facebook”, ai shkruan: Mirëmëngjes, dhe me imazhet e Shtëpisë së Arbëreshëve, që do të hapë dyert në kryeqendrën arbërore të Krujës, ju uroj një ditë të mbarë!
Ndërkohë në video shkruhet: Pas shekujsh mërgimi, arbëreshët “kthehen” në shtëpi. Në Krujën e Skënderbeut do të hapet “Shtëpia e Arbëreshëve”. Jo thjesht një muze, por një hapësirë dialogu dhe komunikimi mes brezash.
