Mesa duket e vogla e Kardashian-Jenner, po kalon një periudhë të vështirë. Shtatzënia shumë e përfolur ka qenë për Kylie-n një nga gjërat më të vështira të jetës së saj. Teksa po afron data e lindjes, duket se Kylie po përballet me pendesën e madhe. Sipas “Hollywoodlife”, ajo është penduar që mbeti shtatzënë sidomos me Travis Scot.
Së fundmi ajo e ka kuptuar që dyshja nuk janë për njëri-tjetrin dhe shumë dilema kanë lindur për të. Fillimisht ajo nuk ndihet fare gati për të sjellë në jetë një fëmijë, dhe aq më pak si nënë beqare. Ajo ka filluar të ndihet keq që mori këtë vendim kaq të nxituar me një person të cilin e njihte shumë pak. Kylie dhe Travis janë njohur në prill të 2017, dhe shumë pak kohë më pas qarkulloi lajmi se Kylie ishte shtatzënë.
