Partia Demokratike ka kërkuar përjashtimin e gjyqtarit Agron Zhukri, i cili është përcaktuar për të gjykuar çështjen e pranimit ose jo të Statutit të ish-kryeministrit Sali Berisha dhe vendimeve të Kuvendit të 11 dhjetorit.
Më herët Gjykata nuk e ka pranuar kërkesën e gjyqtarit Zhukri për t’u dorëhequr nga shqyrtimi i çështjes. Gjyqtari refuzoi marrjen në shqyrtim të regjistrimit të statutit të PD-së nën argumentin se bashkëshortja e tij ka punuar me ish-kryeministrin Berisha dikur dhe se ndodhet në kushtet e konfliktit të interesit.
“Ju informoj se ne Gjykatën e Rrethit Gjyqësor Tirane, ne daten 21.01.2022, eshte paraqitur një kërkesë nga Partia Demokratike e Shqipërisë, me objekt “Përjashtimin e gjyqtarit Agron Zhukri”. Kërkesa e bëreë, pas shortimit, është në gjykim nga gjyqtari Arben Kostandini”, njofton Gjykata./Opinion.al
