Një 58 vjeçare me origjinë shqiptare i ka vënë zjarrin vetes në ambientet e gjykatës. Ngjarja e rëndë ka ndodhur në Rimini të Italisë, rreth orës 10:15 të ditës së sotme.
Gruaja shqiptare pretendon se është përballur me padrejtësi në gjykatë për më shumë se 10 vjet, ndaj mëngjesin e sotëm, filloi të ulëriste e dëshpëruar në katin e parë të ndërtesës.
“Në Itali nuk funksionon ligji, kjo është e mjaftueshme, nuk mund të vazhdoj më kështu”, thoshte ndër të tjera ajo.
Pas këtyre akuzave, ajo i vuri flakën xhaketës së saj. I pari që i dha ndihmë ishte avokati, i cili ishte në afërsi të saj.
Gruaja ka pësuar djegie të shkallës së parë, dhe raportohet se ndodhet jashtë rrezikut për jetën./Opinion.al
