Policia italiane ka arrestuar një 42-vjeçar shqiptar, pasi ka vrarë me thikën e kuzhinës një 28-vjeçar italian.
Sipas mediave italiane, ngjarja ka ndodhur mbrëmjen e së shtunës, rreth orës 21:00. Gjatë një debati të ndodhur në shtëpinë e tij për arsye banale, shqiptari e ka goditur të riun me thikë në gjoks.
I riu ka ndërruar jetë në spital për shkak të plagëve të rënda që ka marrë.
Policia sekuestroi thikën që u përdor në krim, ndërsa trupi i 28 vjeçarit u transferua në institutin e mjekësisë ligjore në Perugia për autopsi.
