Policia e Kalamatës ka rënë në gjurmët e autorëve të krimit të rëndë të ndodhur në Greqi, ku një fermer 31-vjeçar nga Shqipëria, u gjetur i varrosur në plazhin e Kartelës në Qiparisia.
Sipas mediave greke, dyshohet se autorë të vrasjes se shqiptarit janë një 30-vjeçar shqiptar, një greke 30-vjeçare, ndërsa në kërkim është shpallur bashkëpunëtori i tyre, një 24-vjeçar rom. Sipas të dhënave të marra nga hetimi policor, autorët kanë pasur qëllim grabitjen.
Viktima dhe autorët dyshohet se janë argëtuar në një lokal në Kyparisia mbrëmjen e së dielës. Sipas të njëjtave informacione, viktima mësohet se ka pasur me vete një shumë të madhe që shkonte deri në parash 10.000 euro.
Autorët duket se e kanë kuptuar këtë dhe teksa grupi ka dalë nga lokali e kanë çuar 31-vjeçarin në plazhin e Kartelës, ku e kanë goditur vazhdimisht me një send metalik në kokë, duke e lënë të vdekur. Pastaj e varrosën trupin në rërë për të fshehur krimin.
Që në momentet e para, autoritetet policore kanë shoqëruqar disa persona, kanë marrë deklarime dhe më në fund kanë mbërritur në identifikimin dhe gjurmët e autorëve. 30-vjeçari shqiptar dhe 30-vjeçarja greke janë pikasur dhe arrestuar në afërsi të Zevgolatio në komunën e Oichalisë mbrëmjen e së martës, ndërsa 24-vjeçari është ende në kërkim.
Në fakt dy të arrestuarve iu gjetën gjithsej 5300 euro, të cilat dyshohet se kanë ardhur nga grabitja e viktimës.
Ndaj dy të arrestuarve dhe ndaj 24-vjeçarit kanë nisur hetimet për vrasje dhe grabitje./Opinion.al
