Një shqiptar ka therur me thikë kuzhinierin italian në një restorant italian në Monako dhe më pas është dorëzuar në polici. Shqiptari që ka kryer këtë akt është Rikard Nika i moshës 30 vjeç që jetonte në Bordighera, komunë e Italisë. Mësohet se Nika dhe kuzhinieri punonin në të njëtin lokal ku më pas ka plasur edhe sherri i cili ka degjeneruar deri në dhunë ku shqiptari ka përdorur thikën duke e goditur disa herë viktimën. Thuhet se shqiptari e ka përdorur thikën për vetëmbrojtje, por situata i ka dalë jashtë kontrollit. Në polici shqiptari është shprehur se; “U zura me një koleg, në restorantin ku punoj në Monako. Më pas e godita me thikë. Nuk e di nëse është gjallë apo ka vdekur”. Menjëherë pas këtij denoncimi të bërë në policinë italiane në Bordighera është njoftuar dhe policia në Monako, e cila ka shkuar në restorantin ku ndodhi ngjarja.
