Konkluzionet e autopsisë mbi trupin e 28-vjeçarit Pëllumb Marnikollaj pohojnë dhunën makabre nga policia greke.
Ekspertët mjekoligjorë në Tiranë konfirmojnë dyshime e familjes së tij se policia greke ka ushtruar dhunë makabre.
Fillimisht, ata e kqyrën trupin e viktimës me sy të lirë, trupin e mbërritur në Shqipëri mbrëmjen e së shtunës. Shenjat ishin të dukshme, por pas disa orësh verifikim të imtësishëm, mësohet se mjekët ligjorë shqiptarë pranojnë se mbi të riun është ushtruar torturë.
“Mbi trupin e 28-te vjeçarit Marnikollaj ka shenja të dukshme të dhunës. Janë konstatuar djegie nga shuarja në trup e cigareve, shkruan Panorama. Të tilla shenja ka në gjoks dhe në shpinë. Ka nxirje në pjesë të ndryshme të trupit, hematoma të krijuara nga përdorimi i dhunës,” bëhet e njohur paraprakisht nga ekspertë mjekoligjorë shqiptarë.
Pasditen e djeshme, Pëllumb Marnikollaj u përcoll për në banesën e fundit, në vendlindje e tij.
