Policia greke ka arrestuar një shqiptar që ishte arratisur nga një burg në Greqi disa kohë më parë. Sipas mediave greke, 42-vjeçari shqiptar u kap duke tentuar të hynte në Shqipëri përmes pikës kufitare në Follorinë.
Shqiptari i dha policit kufitar grek një pasaportë dhe patentë shqiptare. Pas verifikimit, rezultoi se dokumentacioni i tij ishte i falsifikuar dhe u zbulua identiteti i vërtetë.
Mediat nuk kanë publikuar emrin e tij, por thonë se ai është i dënuar me disa vite burg për grabitje dhe armëmbajtje pa leje. 42-vjeçari ishte arratisur nga burgu i Tiryns në vitin 2016.
