Një ngjarje e pazakontë ka ndodhur në Termoli të Italisë ku një shqiptar ka tentuar të vrasë një shtetas italian pas një sherri banal.
Bëhet fjalë për një 16 vjeçar shqiptar, i cili ka goditur me thikë një 18 vjeçar italian duke e plagosur rëndë. Gjithçka nisi për një përshëndetje të gabuar. Shtetasi italian e ngatërroi shqiptarin me një shokun e tij dhe e përshëndeti.
Por shqiptari e ka marrë për provokim dhe ka nisur debatin me italianin. Aty debati u kthye në konfrontim fizik dhe shqiptari ka marrë thikën dhe e ka qëlluar disa herë italianin. Ky i fundit është në spital në gjendje të rëndë. Ndërsa policia njofton se ka arrestuar adoleshentin shqiptar dhe ai akuzohet për vrasje të mbetur në tentativë./Panorama
