Një shqiptar është arrestuar në Shtetet e Bashkuara të Amerikës pas dyshimeve për terrorizëm. Fabjan Alameti 21 vjeç kishte folur për t’iu bashkuar ISIS dhe për të sulmuar qytetarët në rrugë për t’u hakmarrë ndaj sulmit terrorist në dy xhamitë në Zelandë të Re ku u vranë 50 persona.
Ai doli para gjykatës amerikane ditën e enjte dhe gjykatësi urdhëroi që shqiptari të qëndrojë në paraburgim deri në përfundim të hetimeve.
Fabjan Alameti akuzohet për armëmbajtje pa leje dhe për dëshmi të rreme në lidhje me terrorizmin ndërkombëtar dhe vendas.
Një agjent i FBI-së tha në gjyq se 21-vjeçari ishte marrë në pyetje nga autoritetet fillimisht në vitin 2018, ndërsa më pas ai kishte bërë komente në Facebook në mbështetje të ISIS. Autoritetet amerikane e mbanin shqiptarin vazhdimisht në vëzhgim./Opinion.al
