Një i ri shqiptar, i cili është kapur nga policia duke shpërndarë kokainë, është vënë në pranga në Itali.
Siç shkruajnë mediat lokale, 22 vjeçari shqiptar, identiteti i të cilit nuk bëhet i ditur, është arrestuar mbrëmjen e dy ditëve më parë në qendër të Teramo-s, teksa në bordin e një “Audi” po i shiste 6 gramë kokainë një 50-vjeçari vendas.
Ky i fundit, pasi vuri re efektivë të policisë, e futi kokainën në gojë për ta fshehur, por fatmirësisht për shëndetin e tij, nuk e gëlltiti.
Policia kontrolli banesën ku jetonte i riu shqiptar, ku gjeti një sasi kokainë dhe 7.000 euro, që dyshohet se i kishte fituar nga shpërndarja e drogës.
