Një 36-vjeçar shqiptar është dëbuar 14 herë nga Italia. Emiliano Fejzo, tashmë njihet si “koleksionisti i riatdhesimit”. Ai rezulton me precedentë për krimin kundër pasurisë dhe ishte dëbuar në fillim të vitit të shkuar.
Në 13 qershor të këtij viti ai hyri sërish në Sant’Ilario D’Enza, në provincën e Reggio Emilia por përsëri ra në prangat e policisë. Në daljen e sotme përpara gjykatës arrestimi i tij u vlerësua i vlefshëm dhe ndaj tij u mor vendimi për tu dëbuar për herën e 15-të.
“Pse nuk më japin punë?” u shpreh Fejzo në një intervistë për Mediaset. Ai tregoi se për të hyrë në Itali kishte rrezikuar jetën duke kaluar nëpër rrugë ku kishte edhe kafshë të egra.
“Nuk mund të them sesi kam arritur të hyj në mënyrë të paligjshme, por gjithmonë rrezikova jetën time. Në male i vetëm me arinjtë, u fsheha në një kamion dhe mbërrita në Ankona” deklaoroi 31-vjeçari.
Arsyeja se përse nuk dorëzohet dhe e ka provuar në mënyrë të vazhdueshme hyrjen në shtetin fqinj nuk është vetëm gjetja e një pune.
“Unë kthehem gjithmonë sepse e dua partneren time, e cila është e sëmurë dhe vuan nga Parkinsoni. Ajo nuk ecën dhe ka nevojë për kujdes mjekësor.”
Në fund ai i bën thirrje ministrit të Brendshëm Salvini për një mundësi të dytë pasi premton se nuk do të bëjë më grabitje.
“Nëse duan të më ndihmojnë, pse nuk më japin punë? Unë gabova si djalë i ri duke u përpjekur për të vjedhur, por tani nuk bëj asgjë të gabuar. Unë u premtoj të gjithëve se nuk bëj asgjë, i kërkoj Salvinit të më japë dokumentet dhe të më gjejë një punë si të gjithë”, tha ai në muajin qershor” tha Emiliano Fejzo. /Opinion.al
