Një shqiptar është gjendur i varur në rajonin e policisë “Ajo Nikolao” në Kretë. Lajmi publikohet nga mediat greke, ndërsa nuk bëhet ende i ditur emri i viktimës.
Sipas policisë, viktima ka vendosur t’i japë fund jetës duke lidhur rreth qafës një çarçaf. Ka qenë roja i rajonit që e gjeti të pajetë shqiptarin, mëngjesin e kësaj të marte.
Policia greke thotë se, trupi i viktimës u dërgua në Morgun e Spitalit të Heraklios, për ekzaminim mjekoligjor, ndërsa kanë nisur hetimet.
Ky është rasti i dytë brenda 24 orëve, që në burgjet greke humbin jetën shtetas shqiptarë. Një ditë më parë u ekzekutua brenda burgut të “Koridhalosë”, Albert Bako, shqiptari nga Berati.
