Vrasja barbare e Almirit nga një maqedons në Kumanove, ka ringjallur akoma më fuqishëm fantazmat e së shkuarës. Dallimet etnike mes shqiptarëve dhe maqedonasve nuk kanë qenë më të forta, ndoshta, si asnjëherë tjetër se sa gjatë këtyre 48 orëve në Maqedoni. Përçarja mes maqedonasve dhe shqiptarëve nuk ka qenë një mister i pazbuluar, përkundrazi, ka qenë më dukshëm se sa e kemi marrë me mend një gjë të tillë. Madje, dëshmi e këtyre dallimeve aq të forta, janë dhe akte të tilla kaq barbare si vdekja e Almirit 4 vjeç.
Rasti i djaloshit 4-vjeçar, Almir Aliu, që u përplas qëllimisht me makinë nga një maqedonas ka risjellë në vëmendje këtë përplasje etnike. Shqiptarët e Maqedonisë kanë protestuar për ngjarjen duke kërkuar drejtësi, po ashtu edhe babai i djalit ka kërkuar që drejtësia të dënojë autorin. Por megjithëse se Babai ka kërkuar që drejtësia të bëjë punën, disa shqiptarë nuk kanë pritur vendimin e drejtësisë por kanë vepruar vetë.
Siç lexohet nga mediat e vendit fqinjë një grup shqiptarësh, jo më shumë se 20-të kanë sulmuar me thika e mjete të forta vëllain e Boban Iliç, autori i vrasjes. Ai tashmë është nën kujdesin e mjekëve.
