Ka hyrë në fuqi, që nga dita e djeshme, marrëveshja për lëvizjen e qytetarëve nga Shqipëria drejt Serbisë dhe anasjelltas vetëm me karta identiteti.
Lajmi është bërë i ditur nga Ministria e Jashtme nëpërmjet një postimi në llogarinë zyrtare në “Facebook”.
Shqiptarët mund të lëvizin tashmë vetëm me karta identiti në shtetet: Serbi, Kosovë, Mali i Zi, Maqedoni.
Tashmë, për të gjithë qytetarët shqiptarë që udhëtojnë drejt Serbisë do të cilësohen si të vlefshme këto dokumente: pasaportë, pasaportë diplomatike, pasaportë shërbimi, një dokument udhëtimi për hyrje (kthim) në Republikën e Shqipërisë, kartë identiteti biometrike” – thuhet në njoftimin e Ministrisë.
Kujtojmë që marrëveshja mes Shqipërisë dhe Serbisë është nënshkruar në nëntor të vitit 2020 gjatë një takimi online mes kryeministrit Edi Rama dhe Presidentit serb Aleksandër Vuçiç në prani gjithashtu dhe të kryeministrit maqedonas Zoran Zaev./Opinion.al
