Vijon radha e gjatë e automjeteve që presin të kalojnë pikën kufitare të Kakavijës. Mësohet se vargu i makinave ka shkuar deri në Jorgucat, afërsisht 10 km nga Kakavija.
Përveç mbylljes së kufirit gjatë natës, shkak për krijimin e rradhës është bërë dhe vonesa e procedurave të kalimit nga pala greke që iu bën tamponë të gjithë personave që kalojnë.
Autoritetet greke njoftuan më herët se do të pranojnë vetëm 750 qytetarë në ditë dhe se ata duhet të kenë bërë tamponin 72 orë para se të kalojnë pikën kufitare në Kakavijë.
Situata vijon prej më shumë se 24 orësh ndërkohë që këta qytetarë do të duhet të vetëkarantinohen për 7 ditë pasi të mbërrijnë në shtëpitë e tyre në Greqi./Opinion.al
