Shqiptarët kanë pagesat nga xhepi më të larta në Europë për shërbimet e shëndetit. Sipas një indeksi global për shpenzimet katastrofale, 5142 familje paguajnë 40 përqind të buxhetit të tyre për shëndetësinë.
Eshtë ky raporti i “Catastrophic Health Expenditures” publikuar nga monitor.al.
Shpenzimet për shëndetësinë konsiderohen katastrofike nëse arrijnë në të paktën 40% të shpenzimeve të familjes, që mbeten pas zbritjes së shpenzimeve për ushqim.
Shifrat bëhen të ditur në Strategjinë e Shëndetësisë 2017-2020 që është në proces konsultimi.
Duke marrë në konsiderate këtë situatë qeveria ka vënë si prioritet rritjen e financimit buxhetor për shëndetësinë. Aktualisht shpenzimet publike për shëndetësinë kanë arritur në 2.8% të PBB-së.
Në strategjinë për shëndetësinë qeveria është e angazhuar të rrisë financimin në shëndetësi, duke rritur financimet publike deri në masën 4% të PBB në 2025, si dhe uljen e pagesave nga xhepi deri në 30%.
