Ish-kryetari i Parlamentit Europian Martin Schulz ka qenë i ftuar në emisionin “Maischberger” në televizionin gjerman ARD, ku ka folur për situatën politike në BE në prag të zgjedhjeve europiane.
Por diskutimi në lidhje me Shqipërinë e ka nervozuar dukshëm ish-kryeparlamentarin europian. Ai është pyetur se cili do të jetë partneri i fortë i Bashkimit Europian, duke qenë se Britania po del nga unioni dhe shtete si Shqipëria po futen. “Është kjo Europa që duam?”, u pyet Schulz në emision.
“Tani më nervozuat”, është përgjigjur Martin Schulz duke tundur shpatullat. “Mënyra se si e thoni është krejt e gabuar. Do të duhen edhe shumë vite deri sa Shqipëria të hyjë në Bashkimin Europian. Për shembull, bisedimet e Turqinë kanë nisur që në mesin e viteve ’60. Le të flasim vetëm për Brexit më mirë”, ka thënë Schulz.
Martin Schulz ka qenë Kryetar i Parlamentit Europian nga viti 2014 deri në vitin 2017 dhe Kryetar i Partisë Socialdemokrate gjermane nga marsi i vitit 2017 deri në shkurt të vitit 2018. Ka qenë eurodeputet nga viti 1994 deri në vitin 2017, ndërsa prej dy vitesh është pjesë e Bundestagut gjerman./Opinion.al
