Shqipëria ka humbur një pozicion në klasifikimin e FIFA-s. Kombëtarja shqiptare gjendet në vendin e 62-të në renditjen e këtij muaji, me 1.368 pikë. Sfida që ka ndikuar më shumë në këtë pozicionim të Kombëtares është humbja e pësuar me Turqinë, edhe pse ajo më pas u shoqërua me fitoren e pastër 3-0 ndaj Andorrës.
Nga ana tjetër Kosova, ka fituar 3 pozicione në rënditje, pas dy barazimeve me Danimarkën dhe me Bullgarinë. Momentalisht Kosova gjendet në vendin e 127-të.
Belgjika qëndron në krye të renditjes, e ndjekur nga Franca në vendin e dytë, ndërkohë që vendi i tretë mbahet nga përfaqësuesja e Brazilit, që pasohet nga Anglia dhe Kroacia./Opinion.al
