Shqipëria vlon nga akuzat, kryeministri gjen nje pasion te ri

Nuk njeh kufij pasioni i kryeministrit Rama për artin dhe te bukurën. Së fundmi ai ka vendosur të përkthejë në gjuhën shqipe romanin e Ornela Vorpsit. Per ata që nuk e njohin,Ornela është një artiste e lindur dhe e rritur ne Tiranën e viteve ’80,vite kur ka perfunduar Akademine e Arteve dhe qysh në atë kohë ishte pjesë e një grupi intelektual ku bënte pjesë dhe Edi Rama. Ajo ka shkruar disa libra që jane botuar jashtë Shqipërisë dhe të gjithë kanë qenë në gjuhë të huaj. Për lexuesin shqiptar,këtë herë shkrimtarja ka zgjedhur një përkthyes që padyshim do jetë një vlerë e shtuar per librin. Jo aq për cilësinë e përkthimit ( ky duket të jetë dhe pasioni me i ri i kryeministrit) por për faktin që pas basketbollit dhe pikturës emri i Edi Ramës do jetë prezent edhe në lëmin e përkthimit. Kjo do ndoshta do të rrisë shitjet dhe për pasojë dhe të ardhurat e Kryeminisrit,që së fundmi ka nisur nje tur ndërkombëtar te ekspozitave të tij te pikturës,ndonëse nuk ka publikuar ende shifrën që ka përfituar nga shitja e tyre. Arti i kryeministrit te Shqipërise qe duket se e ka ditën më të gjatë se 24 orë duket të jetë dhe aktiviteti i tij kryesor. Ndërsa opozita dhe shtypi vlojnë me akuza të përditshme per afera korruptive të kabinetit të tij qeveritar,Edi Rama vijon i qetë aktivitetin e tij artistik dhe në vend të përgjigjeve zgjedh te merret me art. Edhe pse cilësia e këtij arti është e dyshimtë,dikush duhet ti kujtojë Edi Rames që vetëm rrethi i këshilltarëve,ministrave apo te privilegjuarve të tij mund te impresionohen (apo bëjne sikur) nga veprat e artit te Edi Rames. Pjesa tjetër e publikut pret përgjigje për shumë e shumë probleme të pazgjidhura apo akuza të mbetura pa përgjigje. Të mbetemi me shpresën qe Edi Rama të mos marrë inisiativën te shkruajë nje libër të ri. Që në mos artistik,të përmbledhë (siç di vetëm Edi Rama ta bëjë) inatet dhe mëritë per ish bashkëpuntorët dhe ata qe guxuan ta ngacmojnë dhe t’i tërheqin vëmendjen nga idili artistik,ndërkohë që është kryetar i qeverisë.