Shqipëria vendos rekordin e ri Guinness përmes një aktiviteti ku morën pjesë mbi 2016 të rinj në Bulevardin ‘Dëshmorët e Kombit’ pranë sheshit ‘Skënderbej’.
Nxënësit nga shkollat e Tiranës arritën të performojnë në sinkron me njëri-tjetrin “Cup Song Albania”, duke krijuar kështu një ansambël muzikor me gota.
Nisma e Sirea Film ka gjetur mbështetjen e shkollave të Tiranës dhe shumë shkollave të tjera nëpër rrethe, ku përmes punës së nxënësve dhe mësuesve dhe muajve të tërë prova kanë arritur të thyejnë rekordin e mbajtur më parë nga Belgjika me vetëm 349 pjesëmarrës.
Fëmijët ishin të rreshtuar në mënyrë të atillë që të formohej fjala “Albania”, duke përcjellë edhe mesazhin që të ndalen largimet jashtë vendit.
Burimi: TV SCAN
