Nuk është dimri i parë dhe ndoshta as i fundit që Shqipëria mbytet. Sapo fillojnë shirat, rrugët e Tiranës, dhe le të mos flasim më pas për rrethet, kthehen në lumenj të improvizuar, që mbrëmjen e djeshme kulmuan me daljen në rrugë të gomoneve.
Por ndërsa Shqipëria mbytet, qytetarët mbeten pa ujë dhe drita, Kryeministri e merr lehtë dhe shqetësohet për pastrimin e gjetheve në Tiranë. Ndoshta zotit Rama meqënëse nuk e ndjek “kazanin”, i ka shpëtuar lajmi që në një prej autostradave më të rëndësishme të vendit, siç është ajo Tiranë-Durrës, uji kishte arritur nivele ekstreme, duke shkaktuar jo vetëm dëme të mëdha, por madje duke rrezikuar edhe jetën e qytetarëve.
Po atë mbrëmje, një qendër tregtarë fare pranë Tiranës, u përmbyt frikshëm, duke mbajtur të bllokuar për orë të tëra 300 qytetarë të cilët ishin në panik për jetën. Por çfarë bëri kryeministri? Postoi në “Facebook” nje foto ku ironizonte “kazanin” i cili bëri detyrën për të cilën është zgjedhur vetë zoti Rama.
Postimi i mbremshem i Ramës
Eshte vetëm fillimi i dimrit dhe duket se ne jemi krejtësisht te papërgatitur. Si mund të jemi të qetë në vazhdim duke ditur që reshjet mund të vijojnë për javë të tëra, dhe gjendja mund te vijë e te rëndohet?Çfarë sigurie mund t’u jape shteti këtyre njerëzve, këtë dimër, ku për një ditë i mori lumi? / Opinion.al
