Revista globale “DailyWrap” në variantin gjerman i dedikon një artikull të detajuar turizmit në Shqipëri së fundmi. Në nisje të shkrimit thuhet: “Shqipëria po fiton popullaritet vit pas viti dhe austriakët vlerësojnë bregdetin e saj të bukur, mrekullitë natyrore dhe klimën autentike ballkanike. Shqipëria ka qenë kryefjala e turizmit vitet e fundit dhe po zgjeron vazhdimisht ofertat e saj.”
“DailyWrap” shkruan se në vitin 2024 Shqipëria u rendit e shtata ndër vendet më të njohura për të udhëtuar për pushime dhe tërhoqi vazhdimisht më shumë turistë.
Revista globale “DailyWrap”, e konsideron vendin tonë si “Kroacia e dytë”, falë ujërave të saj të kristalta, plazheve mahnitëse dhe klimës ballkanike, Shqipëria është krahasuar prej kohësh me Kroacinë por me çmime shumë më të ulëta.
Turistët mund të eksplorojnë mrekullitë natyrore të Shqipërisë dhe shtigjet malore, të bëjnë udhëtime në Tiranë ose të vizitojnë qytete me histori të jashtëzakonshme, si Berati. Falë distancës relativisht të shkurtër nga Austria, Shqipëria është një destinacion popullor edhe për familjet me fëmijë.
Shqipëria ofron një vijë bregdetare të larmishme prej 362 kilometrash, përgjatë së cilës do të gjeni resorte të mëdha, plazhe të shumta si përgjatë bregdetit Adriatik po ashtu dhe atij Jon, ku tek ky i fundit revista ndërkombëtare rendit Ksamilin që e krahason me peizazhe të ngjashme me Karaibet ose Maldivet.
Klan News
