Ditën e sotme Shqipëria u përball papritur me ndërprerjen e energjisë elektrike në të gjithë vendin për më shumë se 30 minuta.
Për këtë situatë që shkaktoi kaos tek qytetarët, disa prej të cilëve ngelën brenda në ashensoreve, ka reaguar Operatori i Sistemit të Transmetimit.
.Në njoftimin zyrtar të OST thuhet se probleme me energjinë elektrike nuk ka patur vetëm Shqipëria, por Greqia dhe Mali i Zi.
Sipas këtij institucioni, shkak i shkëputjes kanë qenë volumet e larta të transmetimit dhe temperaturat ekstreme.
Njoftimi
Rënie e linjave të transmetimit në Shqipëri dhe Malin e Zi. Defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin. Është identifikuar defekt edhe në linjën e Prizrenit. Nga kqyrja fillestare rezulton se volumet e larta të transmetimit si dhe temperaturat ektreme kane qenë shkaktarët e shkëputjes totale të linjave të transmetimit. OST po merr masa për rikthimin e energjisë elektrike te të gjithë konsumatorëve.
