Shqipëria nuk ka mundur të shkoj më shumë sesa një barazim 0-0 ndaj Estonisë, në ndeshjen miqësore të zhvilluar pasditen e së hënës, në “Arenën Kombëtare”.
Edy Reja kishte vendosur të hidhte në fushë një skuadër krejt ndryshe në krahasim me dy ndeshjet e fundit, të vlefshme për Nations League.
Në portë, Gentian Selmani mori vendin e Etrit Berishës, ndërsa në mbrojtje debutonte Ardian Bajrami dhe përkrah Enea Mihaj dhe Erjon Hoxhallari. Ndërkohë që në sulm e nisën nga fillimi Seferi-Vrioni.
Edhe pse në pjesën e dytë u aktivizuan Broja dhe Uzuni, kombëtarja nuk arriti dot të zhbllokonte rezultatin.
Rastet më të mira i patën Vrioni në pjesën e parë dhe Çekiçi në të dytën, por portieri i miqve e ruajti rrjetën të paprekur.
