Shqipëria është nën pushtetin e motit të keq nga veriu në jug. Në disa zona të Pukës, Bulqizës dhe Korçës, trashesia e borës ka shkuar një metër.
Sot situata paraqitet e vështirë për banorët e Bulqizës, Peshkopisë, Pukës, Kukësit, Mirditës. Po kështu të bllokuara nga bora janë fshatrat malorë të Shkodrës, Shalë, Shosh dhe Pult. Rruga nacionale Bulqizë-Peshkopi kalohet me shumë vështirësi dhe herë pas herë bllokohet.Pra janë të izoluara edhe qytetet, jo vetem fshatrat. Po kështu është pezulluar mësimi në pjesën më të madhe të shkollave, në zonat e lartpermendura.
Në jug, situata është e veshtire për gjithe rajonin e Korces. Aksi Korçë-Dardhë, Korçë-Ersekë, Pustec-Goricë janë të kalueshëm me shumë vështirësi me zinxhirë.
Shumë nga rrugët e fshatrave janë të bllokuara dhe të pakalueshme. Vithkuq, Lekas, Moglicë, Panarit, Podgorie, Vreshtas, Sheqeras, Shengjergj, Dardhas, prej mbrëmë janë pa energji.Të gjitha shkollat e qarkut Korce jane sot te mbyllura.
Në Librazhd po ashtu janë totalisht të izoluara fshatrat e thellë malore.
Në Gjirokastër nuk ka patur reshje bore gjatë natës dhe situata është disi më e mirë vetëm për akset nacionale.
Edhe aksi drejt Kakavijës është i kalueshëm. Mbeten të bllokuara të gjitha njësitë administrative mbi 400 m edhe qarkullimi në pjesën e sipërme të qytetit të Gjirokastrës nuk është i mundur.
