Shefja për politikë të Jashtme në BE, Kaja Kallas ka deklaruar se 2030 është objektiv realist që Shqipëria të futet në BE nëse do të ndërmerren hapat e duhur.
Në një konferencë të përbashkët me kryeministrin Edi Rama, Kallas tha se e rëndësishme është miratimi dhe zbatimi i reformave sidomos sundimi i ligjit.
“2030 a është një objektiv realist?
Po është në rast se në do të ndërmarrim hapat e duhura gjatë rrugës. Shqipëria me reformat e saj që duhet miratuar, por edhe me reformat që duhet të vihen në zbatim.
Sundimi i ligjit është skajshmërish i rëndësishëm, pasi është themel i BE, por edhe themeli i begatisë së një vendi. Në rast se investuesit kanë besim tek sistemi juaj ligjor atëherë ata kanë besim që të investojnë në ekonominë tuaj. Kështu që kjo është edhe në të mirën e Shqipërisë. Është realiste në rast se bëjmë detyrat”, tha Kaja Kallas.
