Kryetari i Partisë Demokratike Lulzim Basha, duke theksuar raportin e fundit të FMN, tha se Shqipëria ka dhënë paketën më të vogël të ndihmës në Ballkan.
Gjatë një takimi me tregtarë të zonës së Laprakës, Basha edhe një herë vuri theksin tek nevoja për ndihmë financiare ndaj biznesit të vogël.
“Tregëtia dhe shërbimet janë në krizë të rëndë. Bizneset e shërbimit në Tiranë po falimentojnë nga rënia e konsumit. Kjo është situata kudo në Shqipëri dhe të njëjtat shqetësime ndanë me mua dhe tregtarët e zonës së Laprakës. Qytetarët nuk po marrin ndihmë nga qeveria, papunësia po shtohet dhe po rritet kosto e jetesës. FMN konfirmoi atë që i kemi kërkuar prej muajsh qeverisë Rama: të japë ndihmë financiare për të gjithë qytetarët. Qeveria Rama ka dhënë paketën më të vogël të ndihmës në Ballkan”, shkroi Basha në një publikim në rrjetin Facebook./Opinion.al
