Higjiena dhe përkujdesi oral është një nga faktorët më të rëndësishëm të kujdesit shëndetësor. Megjithatë, Shqipëria renditet e fundit për sa I përket numrit të dentistëve për 100 mijë banorë. Sipas Urdhrit të Stomatologut janë gjithsej të licencuar 1324 dentistë në të gjithë Shqipërinë. Nga përllogaritjet e Monitor, për 100 mijë banorë, ka vetëm 46 dentistë të licencuar nga Urdhri i Stomatologut. Krahasuar me të dhënat e Eurostat për numrin e Dentistëve për 100 mijë banorë Shqipëria renditet e fundit.
Vendet me numrin më të lartë të dentistëve për 100 mijë
Nga të dhënat e Eurostat, shteti më i vogël i Europës, Lihtenshtejni, ka numrin më të lartë të dentistëve për 100 mijë banorë. Në vend të dytë renditet është Suedia, me 173 stomatologë për 100 mijë banorë.
Numër të lartë të dentistëve për 100 mijë banorë ka edhe shteti fqinj Greqia. Ndërsa më të ulëtin në Europë e ka Malta, me 56 dentistë për 100 mijë banorë.
Kostoja e shërbimit dentar
Kostoja e shërbimit stomatologjik në vendet e zhvilluara vlerësohet të jetë mesatarisht 60% më e ulët se sa në vendet në zhvillim, arsye kjo që shtyn një pjesë të madhe të tyre t’u drejtohen klinikave në vende si Kroacia, Serbia, Maqedonia, por edhe në Shqipëri. Kreu i Shoqatës së Dentistëve në Shqipëri, z. Dorjan Hysi, ka pohuar në një komunikim të mëparshëm për “Monitor” se trendi i të huajve që zgjedhin klinikat shqiptare është rritur në krahasim me atë të emigrantëve edhe për shkak të krizës ekonomike që i ka detyruar ata të kthehen e të jetojnë sërish në Shqipëri.
Megjithatë, rajoni është më atraktiv për turizmin shëndetësor. Të ardhurat nga turizmi shëndetësor në Maqedoni tregojnë se ky shtet ka përparësi nga pjesa tjetër e rajonit. Sipas një raporti të Eurostat, në vitin 2014 të ardhurat shkuan në 73 mln euro, kryesisht nga vizitat e fqinjëve. Sipas të njëjtit raport, për shërbimet dentare, në Maqedoni shkojnë shtetas turq, amerikanë apo dhe nga shtetet perëndimore europiane. Serbia ndjek Maqedoninë më pas me një total të ardhurash prej 52 mln euro për turizmin shëndetësor në përgjithësi, ndërsa Bosnja dhe Hercegovina me 48 milion euro.
