Kryeministri Rama ka deklaruar se do të shihet në vijim mundësia e lirimit me pikatore të masave shtrënguese, të krijuara për shkak të epidemisë së koronavirusit. Por Shqipëria, tashmë në planin e masave prej më shumë se tri javësh, duket se krahasuar me vendet e rajonit, ato kanë qenë edhe më strikte, qoftë në fashat orare të lëvizjes, qoftë edhe në përdorimin e automjeteve.
Kështu në një krahasim të masave të disa vendeve, shihet se Shqipëria ka fasha më të shkurtra oraresh të lëvizjes, krahasuar Kosovën, Malin e Zi apo Maqedoninë, ndërkohë që në këto vende ka edhe më shumë tolerance në lëvizjet më makina, ndryshe nga Shqipëria që i ka të ndaluara këto lëvizje.
Maqedonia e Veriut
Levizja: 04 Am – 09 PM lëvizje e lire per këmbësorë dhe makina.
Transporti publik: Është në funksion.
Njesitë e shitjes te hapura: dyqanet e veçanta, markete dhe farmacitë janë hapur gjatë orëve të lëvizjes së lirë.
Ndalesat e punes: Pjesa më e madhe punojnë nga shtëpia, prej 2 javësh pothuaj.
Mali Zi
Lëvizja: 05 AM- 07 PM lëvizje e lirë për këmbësorë dhe makina.
Transporti publik: Ka ndaluar
Njesitë e shitjes të hapura: Supermarkete, farmaci dhe karburante.
Ndalesat e punës: Çdo gjë punon nga ora 08:00 – 18:00, perveç të shtunave kur ndalesat fillojnë në orën 13:00.
Kosova
Lëvizja: 06 Am – 05 PM, lëvizje e lirë për këmbësorë dhe makina.
Transporti publik: Ka ndaluar.
Njësitë e shitjes të hapura: Supermarkete, farmaci deri në orën 17:00.
Ndalesat e punës: Stafet administrative punojnë më së shumti nga shtëpia.
Austria
Lëvizja: E lejuar vetëm për pune apo blerje te produkteve te domosdoshme, por jo ndalesa oraresh. Ndalohen grumbullimet me më shumë se 5 persona ne të njëjtën kohë. Lëvizja me makina, e lirë.
Transporti publik: I reduktuar.
Qendrat tregtare: Pjesa kryesore punojnë me orare të reduktuara.
Njesitë e shitjes hapur: Dyqanet ushqimore, farmaci.
Ndalesat e punës: Vetëm industritë e nevojshme punojnë.
Kroacia
Lëvizja: E lejuar vetëm për punonjësit e shërbimeve të domosdoshme.
Transporti publik: I pezulluar, perveç shërbimit individual të taksive.
Njesitë e shitjes hapur: Dyqanet ushqimore, farmaci, karburante dhe ushqimore që shesin produktet e higjenës.
Ndalesat e punës: Të hapura janë vetëm industritë dhe shërbimet e domosdoshme.
Hollanda
Lëvizja: Nuk ka ndalesë. Kerkohet vetëm distancim social.
Transporti publik: Janë operative.
Njesite e shitjes hapur: Dyqanet ushqimore dhe farmacitë.
Ndalesat e punes: Të gjitha profesionet në kontakt me klientët duhet të ndalojnë punën deri në 28 Prill, ose të punojnë vetëm nëse është e mundur të mbahet të paktën 1.5m nga klienti.
Lëvizja me makina: E lirë.
Spanja
Levizja: Ndalesa për të dale nga shtepia përveç në rastet e blerjeve të produkteve të domosdoshme si ushqime dhe ilaçe, dhe për punë. Lëvizja me makina është e lejuar.
Transporti publik: Nuk ka ndalesa.
Njesite e shitjes te hapura: supermarkete, farmaci dhe furnizues të tjerë ushqimor.
Ndalesat e punes: Mbyllje e vendeve te punës në kompani te cilat nuk ofrojnë shërbime esenciale gjatë kësaj periudhe. /Opinion.al
