Ministria e Drejtësisë i ka përcjellë Ministrisë së Punëve të Jashtme dosjen e përgatitur me kërkesën për ekstradimin drejt Shqipërisë të Dritan Rexhepit.
Dosja do të dërgohet në drejtim të Ministrisë së Drejtësisë së Turqisë.
Kërkesa për ekstradimin e Rexhepit, është nisur në bazë të kërkesave të paraqitura nga SPAK dhe Prokuroria e Përgjithshme.
“Ministria e Drejtësisë ju bën me dije se ditën e sotme, më datë 22.11.2023, ka përcjellë në Ministrinë e Punëve të Jashtme për t’u dërguar në drejtim të Ministrisë së Drejtësisë së Turqisë, dosjen e përgatitur me kërkesën për ekstradimin drejt Shqipërisë të shtetasit, Dritan Rexhepi!
Dosja e tij, me kërkesën për ekstradimin e shtetasit Dritan Rexhepi, është nisur në bazë të kërkesave të paraqitura nga SPAK dhe Prokuroria e Përgjithshme në Ministrinë e Drejtësisë datë, 16.11.2023 dhe 17.11 2023”-njofton Ministria e Drejtësisë.
Dritan Rexhepi u arrestua në Stamboll si drejtues i kartelit “Kompanio Bello”, që merrej me trafikimin e drohës nga Amerika e Jugut në drejtim të Europës.
Rexhepi akuzohet për krime të rënda, trafik droge, vrasje dhe pengmarrje./Opinion.al
