Presidenti i Republikës Sllovake, Peter Pellegrini, deklaroi se Republika e Sllovakisë do të jetë një aleate dhe mbështetëse e fortë e Shqipërisë në procesin e integrimit në Bashkimin Evropian.
Gjatë një konference për shtyp në Tiranë, ku Presidenti Pellegrini u prit nga homologu i tij shqiptar, Bajram Begaj, ai vlerëson progresin e Shqipërisë në rrugën e saj drejt anëtarësimit në BE.
Presidenti sllovak theksoi se Sllovakia është e gatshme të ofrojë mbështetje të mëtejshme për Shqipërinë dhe të ndihmojë në përmbushjen e kushteve për anëtarësimin në BE.
“Republika e Sllovakisë do të jetë një aleate dhe avokate e fortë e Shqipërisë në procesin e aderimit të Shqipërisë. Megjithëse si kryeministër në 2018 , unë isha shumë kritik duke komentuar që vonesat për procesin e zgjerimit të Bashkimit Evropian duhet të themi që Shqipëria ka bërë progres në rrugën e saj drejt BE, e vlerësojmë progresin e madh që keni bërë, reformat, duke përmirësuar gjerat.
Angazhimin për Shqipërinë që një ditë do të jetë anëtare e BE, ne nuk ia kemi dhënë presidentit apo kryeministrit, po popullit të Shqipërisë. Do të ishte koha e duhur ta realizojmë këtë premtim, sepse vendet e Ballkanit perëndimor e meritojnë të jenë kandidatë të denjë të BE. Ka çështje që duhet të përmbushen para se Shqipëria të kaloj reformat, por ky është një standard.
Sllovakia nuk do të bjerë asnjë herë dakord me një raport duke preferuar disa vende që nuk i përmbushin kushtet dhe nga ana tjetër disa të tjerë që përmbushin kushtet do të kenë mundësi për t’i shtyrë. Nuk duhet të humbim mbështetjen e popullit shqiptar për projektin Evropian. Ne bazuar në mërita duhet të vijojmë në këtë proces, dhe Sllovakia mbështet të gjitha kapitujt në 2025, dhe të jemi ndihmëse në këtë pikëpamje pasi të jenë përmbushur të gjitha kushtet nga ana shqiptare.
Mbase mund të bëhet vend anëtare në vitit 2030, Sllovakia është partnere për këtë, është shumë mbështetëse dhe jemi të përgatitur që më eksperiencën tonë të japim çdo asistencë për të ndihmuar Shqipërinë të kaloj të gjitha proceset sa më mirë”,-tha presidenti sllovak.
