Kryeministri Edi Rama deklaroi se fitorja për herë të 4-ërt e PS, përbën në vetvete një mesazh të popullit shqiptar për ndërkombëtarët.
“Qeveria jonë mund të ketë shumë të meta, por askush përballë nesh nuk bën dot asesi atë që ne bëjmë dhe ne mund të bëjmë në këtë moment në histori. Do të ishte fatale për vendin çdo lloj lëkundje më 11 Maj. Unë nuk parashoh ndryshim të mazhorancës, këtu çështja është se cili do të jetë mesazhi që populli shqiptar do t’i japë BE-së? Që këtu jemi siç ishim apo jemi të vetëdijshëm që dera është hapur”, u shpreh Rama.
Në rubrikën e tij “Sy m’Sy”, Rama tha se dikur Shqipërisë “nuk ia hidhte qurret askush”, ndërsa sot “shihet me seriozitet dhe është bërë destinacion turistik”.
”Shqipëria është në një fazë transformimi, Shqipëria nga një vend që nuk ja hidhte kush qurret kur i thonë, është bërë në një vend që shihet me seriozitet, shihet si një destinacion turistik që rritet me shpejtësi marramendëse.
Ne ndërkohë gjithë puna jonë është punë me një program tash e 12 vjet dhe çdo hap që bëjmë ne është i programuar. Ndërkohë kush flet në hava ka program.
Na kanë dhënë një datë, na kanë dhënë një afat gjë që nuk e bëjnë zakonisht.
Duan të japin një shenjë shumë të qartë jo për ne, por për botën se BE po zgjerohet dhe po unifikohet. BE ka dëshirë të zgjerohet, ka dëshirë të marrë 6 vendet e BE, por nëse thotë Shqipëria dhe Mali i Zi do të thotë që Shqipëria dhe Mali i Zi janë pranë plotësimit të kushteve të BE.
Pensionet do të rriten ashtu sic e kemi thënë dhe sic e kam bërë publik qëndrimin tonë në atë prezantimin e objektivave të programit tonë qeverisëse. Se ne kemi program qeverisës, jo program të dëshirave elektorale”, tha Rama.
