Në asnjë minutë nuk e vuri në dyshim fitoren. Shqipëria fitoi bindshëm ndaj Andorrës në “Estadi Nacional”. Një gafë e portierit, bëri që Armando Sadiku të nis festën kuqezi në minutën e 21.
Pjesa e parë do të mbyllej me fitoren e Kombëtares, por kjo nuk mjaftonte. Sigurinë e ofroi në minutën e 87, Bekim Balaj. Për goditjen e fundit ndaj Andorrës, mendoi Amir Abrashi.
Kujtojmë se Shqipëria vjen pas humbjes 0-2 me Turqinë tre ditë më parë, disfatë e cila solli edhe shkarkimin e trajnerit Christian Panucci.
Në ndeshjen sotme kuqezinjtë drejtohen nga Ervin Bulku dhe ndihmësi i tij Sulejman Mema. Pas fitores së Turqisë dhe Francës me rezultatin 4-0 ndaj Moldavisë dhe Islandës respektivisht, renditja e grupit H është si më poshtë:
Franca 6 pikë
Turqia 6
Shqipëria 3
Islanda 3
Andorra 0
Moldavia 0.
****
Sot në mbrëmje do të luhet ndeshja mes Andorrës dhe Kombëtares Shqiptare. në stadiumin ‘Nacional’ skuadra jonë përfaqësuese do të ketë Ervin Bulkun në pankinë pas shkarkimit të Christian Panuccit dhe do të kërkojë që të harrojë humbjen e pësuar 3 ditë më parë ndaj Turqisë. Për këtë sfidë është publikuar dhe formacionin zyrtar, ndërsa do të luajë me skemën 4-4-2.
Në portë Berisha, në mbrojtje Gjimshiti, Ismajlaj, Hysaj dhe Aliji. Në mesfushë Kaçe dhe Basha, nga krahët Grezda dhe Xhaka. Në sulm do të luajë Armando Sadiku i mbështetur nga Myrto Uzuni.
Mund të jetë në vend të 132-të në renditjen e FIFA-s, por nuk mund të nënvleftësohet. Andorra, rivali i sotëm i kombëtares kuqezi, ka një ecuri pozitive muajt e fundit, sidomos në fushën e saj.
Edhe pse në sfidën e fundit u mund 0-2 nga Islanda në shtëpi, sërish pati 4 barazime radhazi në “Estadi Nasional”, ndaj ekipeve si Emiratet e Bashkuara Arabe, Kazakistani, Gjeorgjia apo Letonia./Opinion.al
LEXO EDHE- Reja konfirmon kontaktet me FSHF
