Shqipëria feston sot 111-vjetorin e Pavarësisë. Ismail Qemali, në vitin 1912, ngriti në Vlorë flamurin dhe shpalli Shqipërinë shtet të pavarur.
Në nder të kësaj dite të shënuar autoritetet lokale dhe ato qëndrore kanë organizuar evente të shumta që do të mbahen në disa qytete të vendit.
Festimet do të nisin në Vlorën e Ismailit aty ku do të kryhet ceremonia tradicionale e ngritjes së Flamurit me shkabën dykrenare. I pranishëm në këtë ngjarje do të jenë krerët më të lartë të shtetit, mes të cilëve dhe kryeministri i Kosovës, Albin Kurti.
Me rastin e Ditës së Flamurit, në Tiranë do të organizohet parada e shqiptarëve, ku do të mblidhen shqiptarë nga të gjitha trojet si dhe 150 ansamble popullore.
Parada do të nisë nga sheshi “Nënë Tereza” dhe do të përfundojë në sheshin “Skënderbej”. Parada do të zgjasë 2-3 orë dhe në përfundim do të bëhet ngritje simbolike e flamurit shqiptar.
Ndërsa në mbrëmje, do të mbahet Festivali i Gjirokastrës në sheshin “Skënderbej”.
